Kryetari Veseli: Papërgjegjshmëria dhe neglizhenca e qeverisë mund të ketë pasoja fatale për ekonominë

Kryetari i PDK-së, Kadri Veseli, pas takimit me qytetarët në Pozharan, ka shkruar se qytetarët janë të shqetësuar nga mundësia e ndihmës prej shtetit.

Z. Veseli thotë se ka alarm sepse dimri po afron dhe mund të rëndojë pasojat e mund të shoqërohet nga vala e dytë e Covid-19.

Kryetari i PDK-së, z. Veseli, kërkoi një program të qartë e gjithëpërfshirës qeveritar i cili i adreson të gjitha rreziqet e problemet me pandeminë.

Ky është postimi i tij i plotë:

Në bashkëbisedimin miqësor që pata në Pozhoran të Vitisë me qytetarë, u theksua se problemi kryesor që ata kanë është çështja e dëmeve ekonomike të shkaktuara prej pandemisë së koronavirusit. Ata janë të shqetësuar për mungesën e ndihmës prej shtetit dhe të alarmuar për faktin se dimri që po afron mund të rëndojë pasojat e mund të shoqërohet me një valë të dytë të përhapjes së koronavirusit.

Në të tilla kushte papërgjegjshmëria dhe neglizhenca e qeverisë mund të ketë pasoja fatale prandaj duhet të marrin fund e të përgatitet një program i qartë i plotë e gjithëpërfshirës qeveritar për të adresuar siç duhet të gjitha rreziqet dhe problemet që lidhen me pandeminë.

https://www.facebook.com/watch/?v=351889006053508
0